Rəna 21 yaşlı gənc bir qız idi. Həvəskar rəssam kimi tanınırdı və uşaqlıqdan bəri fırçası ilə xəyalını çəkirdi. Rənglərin harmoniyası onun üçün sözlərin ifadə edə bilmədiyi duyğuları çatdırmaq vasitəsi idi. Lakin bir gün, rəssamlığı ilə diqqət çəkmək məqsədilə TikTok-a qoşulmağa qərar verdi.
Əvvəllər sadə və incə videolar paylaşırdı: çəkdiyi rəsm əsərləri, studiyasının sakit ab-havası... Lakin izləyicilər çox yavaş-yavaş artırdı. O, dostlarının məsləhəti ilə yeni, daha "trend" məzmun hazırlamağa başladı. Məşhur rəqslər, mahnılar, gündəm olan səslər... Onun paylaşımlarına şir simvolları ilə "hədiyyələr" göndərən izləyicilər çoxalırdı. Bu "şir"lər ona pul qazandırırdı.
Bir gün bir izləyicisi ona mesaj yazdı:
"Rəna xanım, sizin rəqsləriniz möhtəşəmdir. Mən sizin böyük pərəstişkarınızam. Gəlin sizi otelə çay içməyə dəvət edim. Şir göndərəcəm!"
Rəna tərəddüd etdi, lakin qəbul etdi. Otel dəvəti onun üçün sadəcə bir təcrübə kimi görünürdü. Axşam saatlarında getdi, amma içəri girdiyi andan vəziyyətin fərqli olduğunu hiss etdi. Çay içmək əvəzinə tanımadığı adamların əhatəsində, əyləncəli və amma eyni zamanda qəribə atmosferdə idi. Hədiyyələr göndərən izləyicilər onun səmimiyyətindən sui-istifadə edir, onu rəqslə daha çox qazanmağa həvəsləndirirdi.
Rəna bir tərəfdən daha çox "şir" qazanmaq, izləyicilər arasında populyar olmaq istəyirdi. Amma digər tərəfdən, onun rəssam ruhu bu həyatdan sıxılırdı. Axırda rəsm əsərlərinə toxunmamağa başladı. TikTokun sürətli şirinliyinə qapılmışdı. O, artıq istedadını deyil, öz şəxsiyyətini alçaltdığını hiss edirdi.
Bir gecə, yeni bir "canlı yayım" edərkən izləyicilərdən biri sərt bir şərh yazdı:
"Rəna, sən rəssam idin, yoxsa sadəcə bir" "şir"ə indi otel oyuncağı olmusan?!"
Bu şərh onun bütün keçmişini gözünün önündə canlandırdı. Onun rəssamlığı, xəyal gücü, fırçası... Hamısı yox olmaq üzrə idi. Bu, onun üçün bir siqnal oldu. O gecə yayımı dayandırdı və TikTok-u telefonundan sildi.
Ertəsi gün Rəna studiyasına qayıtdı. Fırçasını əlinə aldı və uzun müddət unutduğu bir hissi yaşadı. İlk çəkdiyi rəsmdə özü var idi – bir qəfəsdə qapalı şir. Şir ona baxaraq deyirdi:
"Sən azadsan, amma mən səni uddum."
Bu hadisədən sonra Rəna TikTok-dan uzaq durdu. O, Tik-tokun onu necə tələyə saldığını və kimliyini əlinə aldığını anlamışdı. İndi o, sosial mediyanı yalnız sənətini paylaşmaq və həqiqi kimliyini qorumaq üçün istifadə edirdi. "Şir"lər artıq onun üçün bir hədəf deyildi. Onun hədəfi yenidən öz sənətində azad olmaq idi...
Rüfət Abbasovun qələmindən...
Yorumlar
Yorum Gönder